Die doel van Studentesake by Aros is om die studente in hul ontwikkelingsproses te begelei. Dit sluit die ontwikkeling van studente op ʼn geestelike, akademiese en sosiale vlak in. Studentesake se personeellede spits hulle daarop toe om die Aros-studente nie slegs te ondersteun nie, maar ook op hul pad na sukses te begelei.
Personeel van Studentesake:
Berader
Die Pastorale Berader ondersteun studente op ʼn geestelike sowel as 'n emosionele vlak. Berading vind plaas in ʼn rustige en veilige omgewing en behels onder andere traumaberading, bemoediging, die hantering van depressie, verhoudingsprobleme, ensovoorts. Berading vind per afspraak aanlyn of op kampus plaas.
Personeel van Studentesake:
Personeel van Studentesake is betrokke by die ondersteuning, begeleiding en ontwikkeling van studente op akademiese, emosionele en geestelike vlak. Studente word nie net toegerus vir die klaskamer nie, maar ook vir die wêreld buite die klaskamer.
Studentesake maak gebruik van 'n aanlyn ondersteuningsblad. Die doel van die blad is om studente se welstand te bevorder en om aan alle studente akademiese ondersteuning te bied. Die aanlynblad is vir alle studente beskikbaar en dit lei daartoe dat alle studente toegang het tot ondersteuning. Hierdie ondersteuning sluit onder meer akademiese ondersteuning, oriëntering, portuurgroepondersteuning en welstand van studente in.
Dienste van Studentesake
· Akademiese steun
· Berading
· Portuurgroepondersteuning (klasverteenwoordigers)
· Werkwinkels
Die Aros-Studenteraad & -huiskomitee:
Die Studenteraad dien as 'n skakel tussen die studente en bestuur van Aros. Die Studenteraad (SR) in samewerking met die Huiskomitee (HK) is verantwoordelik vir die skep van ʼn studentekultuur en studentelewe op kampus. Verder is dit die SR en HK se verantwoordelikheid om die Aros-student se belange op kampus te bevorder.
Studentelewe sluit onder andere in:
