Aros (Akademie Reformatoriese Opleiding en Studies) is daarvan oortuig dat dit vir die land in sy geheel maar ook vir die onderwysberoep in die besonder tot groot voordeel sal wees indien onderwysers die taak wat hulle verrig as ʼn roeping sien. Om in hierdie doel te slaag, moet studente gelei word om God se koningskap in alle aspekte van die onderwys eerste te stel. Aros poog met hierdie opleiding om ʼn bydrae tot die uitbouing van Christelike onderwys en die reformasie van Suid-Afrika te lewer.

Die groot tekort aan onderwysers wat tans heers, bied die ideale geleentheid om gelowige en kundige onderwysers op te lei ten einde ’n hoëonderrigstandaard te verseker. Christenonderwysers kan ’n wesenlike invloed op Suid-Afrikaners hê en só die gemeenskap dien.

By Aros word studente begelei om die onderwysberoep ten eerste as roeping van die Here te aanvaar en ervaar. Wanneer onderwys as ʼn roeping gesien word, gee dit sin en betekenis aan die onderwysberoep. Studente wat by Aros studeer het, beskik oor beroepsgerigte opleiding. Hiertydens word daar ook op die ontwikkeling van Christelike waardes in die klaskamer gefokus. Aros-studente is hoog in aanvraag by Afrikaanse en Engelse privaat en openbare skole, ’n verskeidenheid van ander opvoedkundige instellings en ook op internasionale vlak.

By Aros is Afrikaans die ankertaal, wat beteken dat onderrig in Afrikaans plaasvind, ander werksaamhede in Afrikaans geskied en navorsing in Afrikaans aangemoedig word.

Onderwyspraktyk is die praktiese gedeelte van die kwalifikasie waartydens studente gedurende ’n vasgestelde periode praktiese ervaring by skole opdoen. Die student word deur Aros-personeel by die skool gemonitor en geassesseer. Aros het ’n lys van goedgekeurde skole wat aan die vereistes vir praktiese onderwys, volgens die riglyne van die regulatoriese liggame, voldoen. Studente mag skole voorstel wat nie op die lys is nie. Aros sal dan bepaal of die skole aan die riglyne van die regulatoriese liggame voldoen. Studente word in samewerking met Aros vir die praktieseonderwysperiode by ’n skool geplaas.

Studente kan by skole aansoek om ’n betrekking doen en daarna as ’n onderwysassistent aangestel word. Die kontrak word tussen die student en skool aangegaan, en Aros het min of geen insae in die eise wat die skool aan die student stel nie. Studente wat voltyds by skole betrokke is, word aangeraai om hul studie oor ʼn langer periode te versprei. Dit is egter nie ʼn vereiste dat studente by ʼn skool werksaam is nie. Studente in ander beroepe of wat voltyds slegs op hul studie wil fokus, word ook verwelkom.

Verskeie buite-instansies plaas poste op Aros se webblad: www.aros.ac.za. Jy kan ook aansluit by die verskeie WhatsApp-groepe.

Beurse en lenings is beskikbaar by die volgende instansies, en studente kan self met hierdie instansies kontak maak. Die instansies wat studente kan kontak, is:

• Die Helpende Hand Studietrust: Solidariteit Finansiële Dienste se studiefondssentrum (https://hh-studietrust.co.za/)
• Atterbury Trust (https://atterburytrust.org/inligting2/)
• Noordelike Helpmekaarstudiefonds (Tel: 011 782 9160, www.noordelikehelpmekaarstudiefonds.org )
• Rapport Onderwysfonds (https://rof.org.za/)
• Afrikaanse Toekomstrust (https://afrikaansetoekomstrust.org/)
• Capitec Education Finance (Tel: 021 330 5510, info@capiteceducationfinance.co.za , https://capiteceducationfinance.co.za/ )

Aros bied verskeie merietebeurse aan Aros-studente wat aan die vereistes voldoen: 

• akademiese meriete (nuwelingeerstejaars)
• senior akademiese meriete (tweede- tot vierdejaars)
• leierskap, sport, kuns en kultuur
• redenaarskompetisies of olimpiades
• sport (prestasie op internasionale of nasionale vlak)
• fisieke gestremdheid
• wees- en pleegkinders
• meer as een Aros-student van dieselfde gesin

Vir verdere navrae hieroor kan Aros se finansiële afdeling gekontak word: rekeninge@aros.ac.za, of besoek gerus die webtuiste vir meer inligting: https://www.aros.ac.za/WebItem/Detail/327.

 Kampusbesoeke vind slegs per afspraak gedurende die week (08:30–15:30) plaas – bespreek jou plek by: hallo@aros.ac.za of telefonies by (012) 332 3227.

Ons vriendelike en bekwame bemarkers sal jou van hulp wees, en dit is ook hulle wat jou sal vertel dat dit ’n fees is om ’n Arrie te wees!

• Navrae: hallo@aros.ac.za
• Webblad: https://aros.ac.za
• Telefoniese navrae: 012 332 3227

WIL JY MEER WEET?

Wil jy graag meer inligting hê of met een van ons bekwame bemarkers gesels?
Klik op die skakel vir die Navraagkaart, vul die vorm in en ons kom  terug na jou toe!

Aros het ’n eiesoortige studentelewe aangesien ons ’n aanlyn model (afstandsonderrig) gebruik. Aros wil graag aan studente die geleentheid bied om vervulling en geluk tydens hul studentejare te beleef. Elke student moet aan die einde van sy of haar studie kan sê: “Dit is ’n fees om ’n Arrie te wees!” 

 Aros se Studentesake-afdeling het ten doel om studente met hul ontwikkelingsproses te help. Dit sluit die ontwikkeling van studente op ’n geestelike, emosionele, akademiese en sosiale vlak in.

Die berader
Die Pastorale Berader ondersteun studente geestelik en emosioneel om studente sodoende vir die uitdagings van studentelewe toe te rus.

Die Studenteondersteuningskoördineerder
Die Studenteondersteuningskoördineerder is betrokke by die ondersteuning, begeleiding en ontwikkeling van studente op ’n akademiese, emosionele en geestelike vlak. Studente word nie net vir die klaskamer toegerus nie, maar ook vir die wêreld buite die klaskamer. Die Studenteondersteuningskoördineerder bied elke semester studiewerkswinkels aan wat op die verbetering en ontwikkeling van studente fokus. Temas sluit onder andere stres- en angshantering, eksamenvoorbereiding, en nog vele meer in. Hulpverlening aan studente met hindernisse word ook deur die Studenteondersteuningskoördineerder hanteer.

Studentesake-afdelingshoof
Die Bestuurder: Studentesake is betrokke by die beplanning en  bestuur van die departement in samewerking met die res van die span. Die Bestuurder: Studentesake is dan ook die kontakpersoon wat alle kommunikasie met die Aros- studenteraad en Aros-huiskomiteelede hanteer. Hulle skep saam ’n lekker en positiewe kampuslewe by Aros.

Dienste wat Studentesake lewer, is die volgende:

• studentelewe
• akademiese steun
• berading
• portuurgroepondersteuning (klasverteenwoordigers)
• werkwinkels

Toelating op grond van die Senior Sertifikaat (SS) of Nasionale Senior Sertifikaat (NSS):
Ten einde vir toelating te kwalifiseer, moet ’n persoon oor ’n Senior Sertifikaat (voor 2008) of ’n Nasionale Senior Sertifikaat (vanaf 2008) beskik en aan die spesifieke vereistes van die kurrikulum voldoen. Die verpligte toelatingspunt en ander addisionele vereistes van elke kurrikulum word by die onderskeie kurrikulumuiteensettings uiteengesit.

Toelating op grond van ouderdom:

’n Persoon ouer as 45 jaar kan aansoek vir toelating onderhewig aan die diskresie van die Senaat doen. Die volgende dokumente 
moet jou aansoek vergesel:

• ’n volledige CV 
• ’n getuigskrif vanaf jou werkgewer of predikant

Toelating op grond van naskoolse kwalifikasies vir die BEd- kurrikulums
’n Persoon wat nie goedkeuring vir graadstudie ontvang het nie maar oor ’n Senior Sertifikaat (SS) of Nasionale Senior Sertifikaat (NSS) en ’n toepaslike naskoolse kwalifikasie beskik, kan navraag doen deur jou kwalifikasies te stuur na aansoeke@aros.ac.za.

Toelating op grond van kwalifikasie anders as die Senior Sertifikaat of Nasionale Senior Sertifikaat:

• ’n Persoon kan op grond van kwalifikasies wat buite Suid-Afrika verwerf is vir die Hoër Sertifikaat in Onderwys of vir graadstudie in aanmerking kom. 
• Die student moet tydens die aansoekproses ’n SAKO- (SAQA) evaluasiesertifikaat aanvra.
• Die Toelatingskomitee sal dan oor die toelating besin. Stuur jou kwalifikasies na aansoeke@aros.ac.za vir terugvoer.

Toelating op grond van erkenning van vorige leer (EVL):
Erkenning van vorige leer (EVL) dien as ’n alternatiewe toelatingsroete tot die instelling of ’n wyse waarop modulevrystelling kan geskied. Erkenning van vorige leer is daarop gemik om ’n student se vorige informele leerervarings met die uitkomste van ’n formele kwalifikasie te vergelyk waarvoor die student ingeskryf is of beplan om voor in te skryf.

Bewyse van vorige leer moet gevolglik direk met die program in verband 
gebring word, asook die module-uitkomste van die formele kwalifikasie 
waarvoor daar aansoek gedoen word.

Die EVL-prosedure kan volgens die oordeel van Aros voldoening aan een of meer van die volgende vereistes insluit:

• bepaalde resultate in ’n stel toetse;
• voorlegging van bewys van vaardighede waarop aanspraak gemaak word; 
• geslaagde onderhoude; en/of
• die bereiking van bepaalde uitkomste in ’n goedgekeurde kurrikulum by Aros. 

Dit is belangrik om kennis te neem dat slegs 10% van ’n kohortstudente per program deur middel van EVL tot die instelling toegelaat mag word.
Daar is ’n koste aan ’n aansoek om EVL verbonde, soos in die Betaalbare gelde en finansiële reëls van die instelling vasgestel.

Vir enige navrae oor EVL kan ’n e-pos aan die Registrateur by chantal.snyman@aros.ac.za gestuur word.

Modulevrystelling
Geen krediete word tydens modulevrystelling toegeken nie.

Toelating op grond van kredietakkumulasie en -oordrag (KAO)
Dit geskied wanneer ’n student ’n module by ’n ander tersiêre instansie geslaag het en die krediete vir hierdie module na ’n soortgelyke module op dieselfde NKR-vlak by Aros oorgedra word. Die student hoef nie hierdie module by Aros te herhaal nie.

Dit is belangrik om daarop te let dat kredietakkumulasie en -oordrag (KAO) slegs op hoogstens 50% van die modules toegepas kan word wat vir die betrokke kurrikulum by Aros vereis word.

Vir enige navrae oor KAO kan ’n e-pos aan Akademiese Administrasie by angelique.wait@aros.ac.za gestuur word.

Die voornemende student moet van voorneme wees om ʼn Reformatories-lewensbeskoulike studie te volg. Studente moet kennis dra dat Aros ’n Christelik-Reformatoriese karakter het en dat leer en onderrig vanuit hierdie perspektief gegee word.

Studente moet rekenaarvaardig wees in die gebruik van Microsoft Office en die gebruik van die internet. Toegang tot ʼn rekenaar met ’n werkende mikrofoon en kamera en ’n bestendige internetkonneksie (10Mbps of beter) is verpligtend aangesien elektroniese kommunikasie ’n belangrike deel van onderrig vorm.

Die minimumrekenaarvereistes is soos volg:

•  ’n i3-rekenaar
• 4 GB RAM
• 320–500 GB HDD
• Windows 10 (weergawe 17763.0 en hoër) of Windows 11 en Office 2019/2021 of Office 365 

Die aanbevole rekenaarvereistes is soos volg:

• ’n i5-rekenaar
•  8 GB RAM
•  500GB SDD
•  Windows 11 en Office 2019/2021 of Office 365

Die toelatingspunt vir ’n Nasionale Senior Sertifikaat (NSS) word soos volg bereken:

• Die prestasie wat in sewe vakke behaal is, word gebruik om die toelatingspunt te bereken. 
• Goedkeuring vir graadstudie word verleen wanneer ʼn NSS geëndosseer is met die inskrywing dat die persoon aan die minimumvereistes vir toelating tot graadstudie aan ʼn tersiêre instelling voldoen. ’n Persoon verkry goedkeuring vir graadstudie vanaf 2018 indien 50% in minstens vier vakke behaal is (Lewensoriëntering uitgesluit).
• Toelating tot Aros word bepaal deur van ’n formule gebruik te maak. Die persentasie wat in elke vak behaal is, word gebruik, en op grond van die spesifieke formule word ’n punt per vak bereken. Die toelatingspunt is die totaal van al sewe vakke en bepaal verder vir watter kurrikulums toelating verkry kan word. Die onderstaande tabel dui die formule aan wat gebruik word ten einde die toelatingspunt te bepaal. Sien die kurrikulumspesifieke vereiste by elke kurrikulum.

Groep 1 : Persentasie behaal X2, byvoorbeeld 60% = 120 punte

Afrikaans Huistaal / Afrikaans Eerste Addisionele Taal
Besigheidstudie
Dramatiese Kunste
Ekonomie
Engels Huistaal / Engels Eerste Addisionele Taal
Fisiese Wetenskappe
Geografie
Geskiedenis
Ingenieursgrafika en -ontwerp
Inligtingstegnologie
Landbouwetenskappe
Lewenswetenskappe
Musiek
Rekeningkunde
Religiestudie
Verbruikerstudie
Visuele Kunste
Wiskunde

Groep 2 : Persentasie behaal X1, byvoorbeeld 60% = 60 punte

Dansstudie
Elektriese Tegnologie
Gasvryheidstudie
Landboubestuurspraktyk
Landboutegnologie
Lewensoriëntering
Meganiese Tegnologie
Ontwerp
Rekenaartoepassingstegnologie
Siviele Tegnologie
Tegniese Wetenskappe
Tegniese Wiskunde
Toerisme
Tweede Addisionele Taal
Wiskundige Geletterdheid
Enige ander vak wat nie in groep 1 en 2 genoem is nie

Aros se aansoeke vind slegs aanlyn plaas by https://aros.ac.za.

Belangrike datums met die oog op aansoeke vir studie in 2026:

• Aansoeke open op 1 April 2026.
• Aansoeke sluit op 31 Oktober 2026 vir die Hoër Sertifikaat in Onderwys, BEd en NGOS-studie.
• Aansoeke vir die Honneurs in Leerondersteuning en die Honneurs in Onderwysbestuur en -leierskap sluit 1 September 2026.

Let asseblief daarop dat die honneursprogram onderhewig aan ’n kapasiteitsbeperking is. Voorkeur word aan aansoekers met uitnemende akademiese prestasie gegee.

Neem kennis dat Aros die reg voorbehou om nie die spesifieke program aan te bied nie indien die verwagte aantal minimumaansoeke vir ’n spesifieke program nie ontvang is nie.

Die volgende dokumente moet by jou aansoek ingesluit wees:

• ’n Gesertifiseerde afskrif van jou identiteitsdokument (ID)
• ’n Gesertifiseerde afskrif van jou huweliksertifikaat (indien getroud)
• ’n Gesertifiseerde afskrif van die matriekuitslae OF die graad 11- finale rapport indien jy in graad 12 is
• NGOS- en honneursaansoeke: ’n gesertifiseerde afskrif van jou akademiese rekord(s) en graadsertifikaat
• Honneursaansoeke: gestempelde briefhoofde van die betrokke skole waarin ervaring opgedoen is
• ’n Bewys van betaling van die aansoekgeld: R250,00

Let wel: ’n Voornemende student sal ná afloop van die aansoekproses’n e-pos ontvang. Op die e-pos is daar ’n finansiële ooreenkoms watafgelaai en onderteken moet word. Neem kennis dat die finansiële ooreenkoms deel van Aros se aansoekproses is, maar eers bindend salwees indien jy in Januarie 2026 by Aros registreer.

Neem kennis dat slegs volledige aansoeke verwerk sal word.

Die Hoër Sertifikaat in Onderwys het ten doel om aan kandidate wat potensiaal toon maar nie aan die minimum-intreevlakvereistes vir Aros se BEd-programme voldoen nie ’n billike kans op sukses te bied. Dit dien as 'n oorbrugging na sekere van Aros se graadstudieprogramme. 

Dit is belangrik dat aansoekers daarop let dat die Hoër Sertifikaat nie die uitreiking van ‘n SARO-nommer vir die doeleindes van ‘n onderwysassistentpos verseker nie. Ná afloop van die Hoër Sertifikaat moet die kandidaat vir ‘n BEd-program inskryf ten einde vir ‘n SARO-nommer aansoek te kan doen.

• Aansoekfooi: R250.00
• Registrasie: R3 500.00 (eerste deposito betaalbaar in Januarie 2027)
• Klasgeld: R42 800.00
• Handboekkoste (ongeveer): R7 500.00

Spesifieke voorvereistes

• Senior Sertifikaat

ʼn Student wat ‘n gemiddeld van 75% oor al die kredietdraende modules van die kurrikulum behaal het, behaal die kwalifikasie met onderskeiding.

Ná die voltooiing van hierdie program is dit Aros se verwagting dat ‘n gegradueerde oor die volgende eienskappe en vaardighede sal beskik:

• toon kennis en begrip van Christelike filosofie, opvoedkundige filosofie, en Bybelse waardes en beginsels in ‘n onderwyskonteks;
• bestuur eie leer op ‘n selfgerigte manier in ‘n afstands- (aanlyn) hoëronderwyskonteks;
• toon bevoegdheid in die onderrigtaal en ander gekose tale vir akademiese en praktiese doeleindes;
• toon kennis van professionele onderwysteorie en -praktyk binne die skoolkonteks;
• toon ‘n basiese konseptuele en prosedurele kennis van wiskunde wat studente in staat sal stel om verdere studie binne die hoëronderwysomgewing aan te pak; en
• toon begrip van die onderwyskontekste in Afrika en Suid-Afrika, inklusiewe onderwys en diversiteit binne die konteks van die onderwys.

• Minimumvoorvereiste: Nasionale Senior Sertifikaat met hoërsertifikaattoelating
• NKR-vlak: 5
• Minimum tydperk: 1 jaar

• Die kurrikulum word deur middel van afstandsonderrig aangebied.  Die lesings word weekliks op e-Klas (Aros se amptelike aanlyn leerplatform) beskikbaar gestel.

• Addisionele ondersteuning word deur middel van interaktiewe aanlyn sessies gebied. Tydens hierdie sessies kan u vrae aan dosente stel en verdere toeligting ontvang.  Die sessies word opgeneem en word later op e-Klas vir besigtiging beskikbaar gestel. 

• Dosente en assistente is beskikbaar vir konsultasies via e-pos, aanlyn of op kampus.

• Toetse en eksamens word aanlyn afgelê (Maandag tot Saterdag: tydens die dag of vroegaand). Datums en tye word vroegtydig gekommunikeer.

Die Grondslagfase strek van graad 0 tot graad 3.  Hier word daar gebou aan die kind se etiese, sosiale en fundamentele grondslag as onderwyser.  Om in hierdie fase te onderrig, moet jy 'n liefde hê om met jong kinders te werk en dit geniet om deur middel van 'n praktiese aanslag te onderrig.  Die onderwyser moet selfs in hierdie fase 'n kenner in die taal-, syfer- en lewensvaardighede-leefareas wees.  Geduld, kreatiwiteit en empatie is tipiese kenmerke van 'n Grondslagfase-onderwyser. 

• Aansoekfooi: R250.00
• Registrasie: R3 500.00 (eerste deposito betaalbaar in Januarie 2027)
• Klasgeld: R47 430.00
• Handboekkoste (ongeveer): R7 500.00

Spesifieke voorvereistes

• Universiteitstoelating
• Indien die student nie universiteitstoelating ontvang het nie, is 'n taal op HG 'n vereiste en nie minder nie as vier E’s op HG of SG (nie LG nie). Aros doen aansoek vir die student by USAf vir voorwaardelike toelating tot graadstudie.

Onderwyspraktyk is die praktiese gedeelte van die kwalifikasie waartydens studente gedurende ‘n vasgestelde periode prakties in skole in die Republiek van Suid-Afrika verrig. Die student word deur Aros-personeel by die skool gemonitor en geassesseer soos wat die infrastruktuur van die betrokke departement dit toelaat. Aros het 'n lys van goedgekeurde skole wat aan die vereistes vir praktiese onderwys, volgens die riglyne van die regulatoriese liggame, voldoen. Studente mag skole voorstel wat nie op die lys is nie. Aros sal dan bepaal of die skole aan die riglyne van die regulatoriese liggame voldoen. Studente word in samewerking met Aros vir die periode van praktiese onderwys by 'n skool geplaas.

Volgens die vereistes van die Departement van Hoër Onderwys en Opleiding word daar aanbeveel dat studente tydens hul opleiding van vier jaar praktiese ondervinding by ‘n verskeidenheid skole opdoen.

PRAK431 begin reeds met die aanvang van die eerste skoolkwartaal. Vierdejaarstudente wat PRAK431 moet neem, moet kennis neem dat hulle amptelik geregistreer moet wees alvorens hulle met Onderwyspraktyk 4 in die skool mag begin. Vir hierdie rede vind die amptelike registrasie van vierdejaars normaalweg plaas in die week voor die eerste skoolkwartaal in aanvang neem.

Die volgende sertifikate is ‘n vereiste vir die suksesvolle verwerwing van die volgende praktiese modules: PRAK231, PRAK331 en PRAK431. Studente sal bewys moet lewer van hierdie sertifikate alvorens die module geslaag kan word.

PRAK121

Geen

PRAK231

ʼn Keuse tussen EEN van die volgende:

• ʼn afrigtingsertifikaat (van ‘n amptelike provinsiale liggaam) in ‘n skoolsport; en
• 'n kulturele aktiwiteit (koor- of sangafrigting, drama of ander relevante opleiding in die aanbieding van kulturele skoolaktiwiteite)

PRAK331

ʼn Keuse tussen EEN van die volgende:

• ʼn tweede afrigtingsertifikaat (van ‘n amptelike liggaam op provinsiale vlak ) in ‘n skoolsport; en
• 'n kulturele aktiwiteit (koor- of sangafrigting, drama of ander relevante opleiding in die aanbieding van kulturele skoolaktiwiteite)

PRAK431

Noodhulpsertifikaat (vlak 1)

ʼn Student wat ‘n gemiddeld van 75% oor al die kredietdraende modules van die kurrikulum behaal het, behaal die kwalifikasie met onderskeiding.

'n Student wat vanaf ‘n ander tersiêre instelling na Aros oorgeskakel het, moet ten minste 50% van hierdie program geslaag het, insluitende RELS111, BYBK121, BYBK211, BYBK221, BYBK311, BYBK321 en BYBK411 of WBSL111, OTOB121, OTOB211, NTOB221 en NTOB311. Om die kwalifikasie met onderskeiding (cum laude) te behaal, moes die student ‘n gemiddeld van 75% oor al die kern- en elektiewe modules van jaarvlak 2, 3 en 4 behaal het.

70% of meer vir [ENGL221 + ONAT322] / 2 

Ná die voltooiing van hierdie program is dit Aros se verwagting dat ‘n gegradueerde oor die volgende eienskappe en vaardighede sal beskik:

• pas die vereiste opvoedkundige en teoretiese kennis toe ten einde jong kinders met toepaslike waardes, vaardighede en kennis toe te rus wat vir hul ontwikkelingsvlak geskik is;
• toon bevoegdheid in die onderrig van leerders van graad R tot graad 3;
• stel leierskap en innoverende praktyke in die klaskamer, skool en gemeenskap ten toon;
• pas basiese navorsings- en akademiese beginsels toe om inligting te evalueer en bestuur;
• integreer toepaslike beleide met klaskamerpraktyk;
• evalueer prestasie aan die hand van bepaalde kriteria en gebruik die resultate om onderrig en leer te verbeter; en
• versterk die onderwysprofessie deur middel van professionele en etiese optrede wat op Christelike waardes en Bybelse beginsels gegrond is.

• Minimumvoorvereiste: Nasionale Senior Sertifikaat met baccalaureusgraadtoelating
• NKR-vlak: 7
• Minimum tydperk: 4 jaar
• Verlengde program: 6 jaar

• Aros-toelatingspunt: 600

• Die kurrikulum word deur middel van afstandsonderrig aangebied.  Die lesings word weekliks op e-Klas (Aros se amptelike aanlyn leerplatform) beskikbaar gestel.

• Addisionele ondersteuning word deur middel van interaktiewe aanlyn sessies gebied. Tydens hierdie sessies kan u vrae aan dosente stel en verdere toeligting ontvang.  Die sessies word opgeneem en word later op e-Klas vir besigtiging beskikbaar gestel. 

• Dosente en assistente is beskikbaar vir konsultasies via e-pos, aanlyn of op kampus.

• Toetse en eksamens word aanlyn afgelê (Maandag tot Saterdag: tydens die dag of vroegaand). Datums en tye word vroegtydig gekommunikeer.

• Aansoekfooi: R250.00
• Registrasie: R3 500.00 (eerste deposito betaalbaar in Januarie 2027)
• Klasgeld: R47 430.00
• Handboekkoste (ongeveer): R7 500.00

Spesifieke voorvereistes

Spesifieke voorvereistes

• Universiteitstoelating
• Indien die student nie universiteitstoelating ontvang het nie, is 'n taal op HG 'n vereiste en nie minder nie as vier E’s op HG of SG (nie LG nie). Aros doen aansoek vir die student by USAf vir voorwaardelike toelating tot graadstudie.

Studente wat die Wiskunde en Natuurwetenskappe-kurrikulums (O210P en O212P) wil volg, moet vir Wiskunde SG 'n E-simbool behaal het.

Onderwyspraktyk is die praktiese gedeelte van die kwalifikasie waartydens studente gedurende ‘n vasgestelde periode praktiese onderwys in skole in die Republiek van Suid-Afrika verrig. Die student word deur Aros-personeel by die skool gemonitor en geassesseer soos wat die infrastruktuur van die betrokke departement dit toelaat. Aros het 'n lys van goedgekeurde skole wat aan die vereistes vir praktiese onderwys, volgens die riglyne van die regulatoriese liggame, voldoen. Studente mag skole voorstel wat nie op die lys is nie. Aros sal dan bepaal of die skole aan die riglyne van die regulatoriese liggame voldoen. Studente word in samewerking met Aros vir die periode van praktiese onderwys by 'n skool geplaas.

Die volgende sertifikate is ‘n vereiste vir die suksesvolle verwerwing van die volgende praktiese modules: PRAK232, PRAK332 en PRAK432. Studente sal bewys moet lewer dat hierdie sertifikate behaal is alvorens die module geslaag kan word.

PRAK122

Geen

PRAK232

ʼn Afrigtingsertifikaat (van ‘n amptelike liggaam op provinsiale vlak) in ‘n skoolsport

PRAK332

ʼn Keuse tussen EEN van die volgende:      

• ʼn tweede afrigtingsertifikaat (van ‘n amptelike liggaam op provinsiale vlak) in ‘n skoolsport;
• ʼn kulturele aktiwiteit (koor- of sangafrigting, drama of ander relevante opleiding in die aanbieding van kulturele skoolaktiwiteite); en
• ‘n erkende hulpverleningskursus soos Mind Moves Institute se leeropkikker-werkswinkels.

PRAK432

Noodhulpsertifikaat (vlak 1)

ʼn Student wat ‘n gemiddeld van 75% oor al die kern- en elektiewe modules van akademiese jaar 2, 3 en 4 behaal het, verwerf die kwalifikasie met onderskeiding.

ʼn Student wat vanaf ‘n ander tersiêre instelling na Aros oorgeskakel het, moet ten minste 50% van hierdie program geslaag het, insluitende RELS111, BYBK121, BYBK211, BYBK221, BYBK311, BYBK321 en BYBK411 of WBSL111, OTOB121, OTOB211, NTOB221 en NTOB311. Ten einde ’n onderskeiding (cum laude) te behaal, moes die student ‘n gemiddeld van 75% oor al die kern- en elektiewe modules van jaarvlak 2, 3 en 4 behaal het.

O212P en O213P   

70% of meer vir [Begripsassesseringpunt+skryfassesseringspunt+mondelingsassesseringspunt]/3.

Bogenoemde assesserings sal apart van enige modules geskied en sal aan die einde van die finale jaar afgeneem word.

Ná die voltooiing van hierdie program is dit Aros se verwagting dat ‘n gegradueerde oor die volgende eienskappe en vaardighede sal beskik:

• pas behoorlike leierskap en innoverende praktyke in die konteks van die onderwysprofessie toe;
• toon die vereiste kennis ten einde kinders met die toepaslike waardes, vaardighede en kennis toe te rus wat vir hul ontwikkelingsvlak geskik is;
• toon bevoegdheid in die onderrig van Intermediêre Fase-leerders en leerders in die eerste jaar van die Senior Fase;
• bied grondige en gespesialiseerde opvoedkundige en teoretiese vakkennis en vaardighede betroubaar en samehangend aan en gee dit weer deur die gebruik van akademiese en professionele konvensies wat paslik is vir die kwalifikasie;
• evalueer prestasie aan die hand van bepaalde kriteria;
• pas basiese navorsingsbeginsels toe en beoefen lewenslange leer; en
• toon die vermoë om doeltreffend in ‘n span te werk.