1. Honneurs Baccalaureus Educationis in Onderwysbestuur en -leierskap (SAKO-nr. 122408)

Navorsing het getoon dat onderwysleiers, in Suid-Afrika en internasionaal, voldoende vir die bestuurs- en leierskapsrol binne die sektor voorberei moet wees. Hoofde en ander persone wat bestuursrolle binne die onderwyssektor vervul, moet gevolglik met die nodige diepgaande kennis en vaardighede toegerus word. Benewens die navorsingsvaardighede waarop die BEdHons in Onderwysbestuur en -leierskap fokus, wil hierdie kwalifikasie ook daarom voornemende en dienende onderwysbestuurders vanuit ‘n Christelike perspektief met die nodige kennis en vaardighede toerus.

Toelatingsvereistes: 

Die minimumvereistes vir die BEdHons in Onderwysbestuur en -leierskap is:

• ’n vierjaar- professionele onderwysgraad; OF
• ’n toepaslike baccalaureusgraad en ’n erkende professionele onderwyskwalifikasie; OF
• ’n vierjaar- professionele onderwyskwalifikasie, asook ’n gevorderde diploma in ’n verwante subveld van die onderwys; EN
• ’n minimum- gemiddelde punt van 60% vir die bogenoemde voorvereiste verwerfde kwalifikasie; EN
• ten minste twee (2) jaar se klaskamerervaring / ervaring in die praktyk ná voltooiing van die voorvereiste kwalifikasie.
• Indien ‘n voornemende student oor die voorvereiste kwalifikasie beskik, maar nie ‘n minimum- gemiddelde punt van 60% vir hierdie kwalifikasie behaal het nie, kan hy/sy steeds aansoek doen. Die voorwaarde is wel dat hy/sy ten minste vyf (5) jaar se klaskamerervaring/ ervaring in die praktyk ná voltooiing van die voorvereiste kwalifikasie opgedoen het.
• Toelating van studente vind plaas na goeddunke van die Toelatingskomitee om te verseker dat voornemende studente oor die nodige akademiese vermoëns beskik wat vir ’n NKR-vlak 8-kwalifikasie vereis word.

Kwalifikasie-inligting

• Minimumvoorvereiste: Baccalaureusgraad
• NKR-vlak: 8
• Minimum tydperk: 1 jaar
• Verlengde program: 2 jaar

Metode van aanbieding

• Die modus van aanbieding is afstandsonderrig met addisionele ondersteuning aan studente deur middel van interaktiewe aanlyn sessies of werkswinkels.

• Toetse en eksamens word deur die loop van die dag vanaf ’n Maandag tot ’n Saterdag aanlyn afgelê. Datums en tye word vroegtydig gekommunikeer.

Koste per jaar

• Aansoekfooi: R250.00
• Registrasie: R3 500.00 (eerste deposito betaalbaar in Januarie 2025)
• Klasgeld: R46 250.00
• Handboekkoste (ongeveer): R7 000.00

Beskikbare kurrikulums

O502P

Onderwyspraktyk

N.V.T.

Kwalifikasie met onderskeiding

ʼn Student wat ‘n gemiddeld van 75% oor al die kern- en elektiewe modules behaal het, behaal die kwalifikasie met onderskeiding.

Vereistes vir Engels as taal van onderrig en leer

N.V.T. 

Kurrikulums

Kurrikulummodulelys