Die BEdHons in Leerondersteuning het ten doel om studente se teoretiese kennis in die leerondersteuningsveld te konsolideer en te verdiep ten einde leerders in primêre skole (Grondslagfase en Intermediêre Fase) met diverse leerhindernisse doeltreffend te assesseer, ondersteun en bemagtig. Die program sal studente in staat stel om diverse en unieke leervermoëns en -uitdagings te identifiseer en dit binne die gees van inklusiewe onderwys te akkommodeer. 

Toelatingsvereistes

• ' n Vierjaar- professionele onderwysgraad; OF
• 'n toepaslike baccalaureusgraad en ’n erkende professionele onderwyskwalifikasie; OF
• 'n Vierjaar- professionele onderwyskwalifikasie, asook ’n gevorderde diploma in 'n verwante subveld van die onderwys; EN
• 'n minimum- gemiddelde punt van 60% vir die bogenoemde voorvereiste verwerfde kwalifikasie.
• Studente met onderwyservaring sal voorkeur geniet (sien vereiste dokumente).
• Indien 'n voornemende student oor die voorvereiste kwalifikasie beskik, maar nie 'n minimum gemiddeld punt van 60% vir hierdie kwalifikasie behaal het nie, kan hy/sy steeds aansoek doen.  'n Bewys van onderwyservaring moet verskaf word deur middel van 'n gestempelde briefhoof van die betrokke skool/skole waarin ervaring opgedoen is.
• Studente wat nie 'n navorsingsmodule op voorgraadse (vlak 7) voltooi het nie, moet 'n addisionele navorsingsmodule tydens die eerste studiejaar voltooi en die deeltydse opsie kies.
• 'n Motiveringsbrief indien die aansoeker nie in Grondslag- of Intermediêre Fase gespesialiseer het nie.

Aangesien slegs 'n beperkte aantal honneursstudente toegelaat word, sal die aansoeke aan 'n keuringsproses onderwerp word, en studente sal teen einde September in kennis gestel word of die aansoek suksesvol was al dan nie.  Toelating van studente sal plaasvind na die goeddunke van die Toelatingskomitee ten einde te verseker dat voornemende studente oor die nodige akademiese vermoëns beskik wat vir ’n NKR-vlak 8-kwalifikasie vereis word.