1. Baccalaureus Artium Honneurs in Christelike Filosofie (SAKO-nr. 124834)

Hierdie program is daarop gerig om studente toe te rus met ‘n goeie begrip van filosofie, met spesifieke fokus op Christelike filosofie. Die program bevorder ‘n kritiese benadering tot sistematiese temas, idees en konsepte binne die Christelike filosofie, terwyl dit ook ander relevante filosofieë ondersoek, veral dié met spesifieke relevansie tot die Suid-Afrikaanse konteks. Daarbenewens word studente begelei om insig te ontwikkel oor die wyse waarop ‘n Christelike denkwyse ‘n betekenisvolle bydrae tot die vorming en beïnvloeding van hedendaagse kultuur kan lewer. ‘n Verdere kernfokus is die ontwikkeling van gevorderde navorsingsvaardighede, sodat studente in staat is om komplekse vraagstukke en onsekerhede vanuit ‘n Christelik-filosofiese perspektief te benader en hul bevindings effektief kan weergee.

Kwalifikasie-inligting

• Minimumvoorvereiste: Baccalaureusgraad
• NKR-vlak: 8
• Minimum tydperk: 2 jaar

Metode van aanbieding

• Die modus van aanbieding is afstandsonderrig met addisionele ondersteuning aan studente deur middel van interaktiewe aanlyn sessies of werkswinkels.
• Toetse en eksamens word deur die loop van die dag vanaf ‘n Maandag tot ‘n Saterdag aanlyn afgelê. Datums en tye word vroegtydig gekommunikeer.

Koste per jaar

• Aansoekfooi: R250.00
• Registrasie: R3 500.00 (eerste deposito betaalbaar in Januarie 2026)
• Klasgeld: R46 870.00
• Handboekkoste (ongeveer): R7 500.00

Beskikbare kurrikulums

O501P

Kwalifikasie met onderskeiding

Programuitkomste

Na voltooiing van hierdie program, is dit Aros se verwagting dat ‘n gegradueerde oor die volgende kwaliteite en vaardighede sal beskik:

• Toon en verwoord ‘n gekonsolideerde en grondige begrip van die geskiedenis en oorhoofse sistematiese temas, idees en konsepte in die filosofie en van Christelik-Reformatoriese  filosofie in die besonder
• Analiseer, sintetiseer en evalueer kerntemas, -idees en -konsepte op ‘n filosofiese wyse, met fokus op die Christelik-Reformatoriese  perspektief, hoewel ander filosofieë ook bestudeer sal word.
• Toon ‘n hoëgraadse teoretiese betrokkenheid by kern- filosofiese idees wat die hedendaagse filosofie en kultuur beïnvloed en reflekteer oor hoe Christelike denke die diskoers positief kan beïnvloed
• Berei studente voor op navorsingsgebaseerde nagraadse studie deur die ondersoek van ongewone probleme, kompleksiteite en onsekerhede aan te moedig en dra nuutverworwe kennis oor

Kurrikulums

Kurrikulummodulelys