Hierdie fase strek van 4 tot 7.  In hierdie fase word 'n meer tegnies georiënteerde werkswyse gevolg.  Verder is die wyse waarop akademiese vaardighede bevorder word ook meer gespesialiseerd.  Die kennis waaraan leerders blootgestel word, word duidelik in hierdie fase omskryf.  Leerdissiplines in hierdie fase sluit Tale, Wiskunde, Natuurwetenskappe en Sosiale Wetenskappe in.  Die onderwyser moet akademiese vaardighede se basiese beginsels in hierdie fase ontwikkel.  Daarom is die vakkennis van opvoedkundiges in die Intermediêre Fase meer uitgebreid.  Die behoefte aan onderwysers in hierdie fase is geweldig groot.

Aros bied twee spesialiseringsrigtings vir BEd Intermediêre Fase aan:

• Wiskunde en Natuurwetenskappe 
• Lewensvaardighede en Sosiale Wetenskappe 

Modus van aflewering

• Die metode van aflewering is afstandonderrig met addisionele ondersteuning aan studente deur middel van direkte kontaksessies en/of interaktiewe aanlynsessies, werkswinkels of ekstra klasse.  
• Praktiese onderwys: Daar word van studente verwag om vir bepaalde tye prakties by skole te doen. Studente word vir die praktiese tydperk deur Aros by 'n skool geplaas (indien die student nie alreeds by 'n skool betrokke is nie).
  • Eerstejaarstudente begin met praktiese onderwys in die derde skoolkwartaal deur een tydperk van drie aaneenlopende weke te voltooi.
  • Tweedejaarstudente voltooi twee tydperke van drie aaneenlopende weke elk tydens die tweede en derde skoolkwartaal.  
  • Derdejaarstudente voltooi twee tydperke van drie aaneenlopende weke elk tydens die tweede en derde skoolkwartaal. 
  • Vierdejaarstudente voltooi twee tydperke van drie aaneenlopende weke elk.

Toelatingsvereistes